دنیا نیوز کے پروگرام ”تھنک ٹینک “ میں گفتگو کرتے ہوئے خاور گھمن نے کہا کہ مسلم لیگ ن کے دورحکومت میں وفاق اور صوبے میں کابینہ کا کوئی تصور نہیں تھا اور حکومت کے دونوں مراکز میں ون مین شو تھا لیکن اب ایسا نہیں ہے ، وفاقی کابینہ کے تمام وزراءکو کام کرنے کامکمل اختیار ہے ، وزیر اعظم نے وزراءسے کہہ دیاہے کہ اگر کسی وزیر نے کرپشن کی تواس کو پھر میرے پاس نہیں آنا چاہئے بلکہ اس کا استعفیٰ میرے پاس آئے ۔ انہوں نے کہا کہ یہ فرق ہے جو پہلی حکومتوں اورموجودہ حکومت میں ہے ، اس وقت پیپلز پارٹی اور مسلم لیگ ن کے رہنما کرپشن کے مقدمات کا سامنا کررہے ہیں لیکن اس حکومت کے پہلے سودن میں کرپشن کا کوئی بڑا کیس سامنے نہیں آیا اور امیدہے کہ آئندہ بھی نہیں آئے گا
